EKOLOGIKOA

Obradore ekologikoa gara. Gure produktuak ekologikoak dira eta ENEEK ziurtagiria dute. Honek esan nahi du, osagai agroekologikoak eta bertakoak erabiltzen ditugula, modu naturalean eta jasangarrian ekoiztuak direnak.

Xabi eta Naiara gara. 

Xabi Errastiko baserrian jaioa da, natura baserria eta lasaitasuna maite ditu. Txikitatik  izan du okintzarekiko maitasuna, egunero amonak ogia nola egiten zuen ikusten baitzuen. 

Naiarak, berriz,elikadura kontsulta eta tailerrak egiten zituen. Betidanik eman die garrantzia jaten dugunari eta ekoizpen moduari.

Horrela, 2018an Errastiko Ogia sortu genuen. Argi genuen Bedoñan, baserrian eta amonarena zen  zuzenezko labearekin hasi behar genuela. Ez ziren hasiera errazak izan. Labearen berotasuna gradu barik kontrolatzea, ogiak zuzenean egur ikatzaren ondoan egitea… Ogi asko erretakoak gara. Baina esfortzu, sena eta bizi izandakoek emandako esperientziarekin ikasten joan ginen. Zekale- ogia eginez. Oraindik gogoan ditugu gure lehenego zekale-ogi biribilak.

Poliki- poliki ogi barietate gehiago joan ginen egiten, eta gozogintzarekin ere animatu ginen. 

Egun, egurrezko laba artisau birakaria dugu. Bertan Xabik orotariko ogi motak egiten ditu, eta Naiarak produktu integral eta gozo naturaleko gozogintza.

ZAPORE NATURALA

Errastiko Ogiko ogiek eta gozoek landa usaina dute. Errastiko baserrian maitasunez eginak dira. Benetako osagaiekin egiten dugu lan ( Irin garbiak; gehigarri gabekoak, baserriko arrautza horiak, benetako gurina…) Guztia artisau mimoarekin egina dago eta denbora dugu balio eta erronka handiena: elaborazio prozesuak poliki eta mantso egiten ditugu.

OGIAK

Gure ogi guztiak eskuz eginda daude. Ama oreaz edo legami ekologikoaz egiten ditugu. Irin garbiak hautatzen ditugu. Horrela, kalitatezko ogi osasuntsua eginez.

GOZOAK

Gozo nutritiboak egiten ditugu, elikatzen dutenak, zaporetsuak eta arinak. Osagaiak naturalak, garbiak eta gehigarririk gabekoak.

Joseba Argiñanoren “Sukalerrian” programan, chai gailetak nola egiten ditugun azaldu genuen:

KARAPAIXOA

Karapaixoa garizuma garaian aita edo ama puntakoek besoetakoei oparitzea gure arbasoengandik jasotako ohitura da.
Arrautzez eta txorizoz beteriko hiruki formako opila da. Emankortasuna eta aberastasuna adierazten du.
Deba Goienean karapaixoa deitzen diogu, baina beste herri batzuetan izen hauek ditu: mokotza, arrautzaopil, morrokotea, paskopila, morrodua…
Ohiturari eusten badiogu ere, aukera beganoa (datilak eta sagarra) eta begetarianoa (arrautza, datilak eta sagarra) eskaintzen ditugu, elikadura korronte ezberdinak kontuan hartuz.

OPARI OTARRAK

Gozo eta ogiekin osatutako opari kutxak egiten ditugu. Birziklatutako egurrezko kutxak erabiliz, eta gure baserrian ditugun lore sortekin apainduak dira.
Edonori oparitzeko kutxa jasangarriak dituzue.

SALTOKIAK

Gure okindegian, Errastiko baserrian, egiten dugu salmenta zuzena.

Debagoieneko herri hauetan aurkituko dituzu saltoki-guneak:

AZOKAK

Azokak maite ditugu; salmenta zuzena, bezeroarenganako hurbiltasuna… Zapaturo Oñatiko azoka plazan izaten dugu postutxoa. Hileko hirugarren zapatuan, berriz, Arrasateko bertako produktuen azokan. Eta Euskal Herriko beste azoka berezietan aurkituko gaituzue, ere.

Azken artikuluak

• Birziklatu eta konpostatu gure poltsakabril 16, 2024
  Gure poltsek BIRZIKLATZEA eta KONPOSTATZEA eskatzen dute. Saltokietan, gure ogia paperezko poltsan aurkituko duzu. Azokan,berriz, aukeran ematen dugu. Zorionez askok, telazko zakutxoarekin etortzen zarete. Zer egin poltsa hauekin? Aukera ezberdinak ditugu. Alde batetik, ogia fresko mantentzeko aukera ona da. Bestetik, behin produktua amaituta: erosketak egiteko, umeen askaria gordetzeko… edo nahi duzunerako erabili dezakezu. Gozogintzan erabiltzen… Lee más: Birziklatu eta konpostatu gure poltsak
• 
  Hurrak barra-barranoviembre 8, 2023
  Urte honetan produktu ezberdinak egingo ditugu fruitu lehor gozo honekin. Hala nola: granola, kakao eta hur ogia, txokolatezko palmerak kookiak eta nutela krema. Baita, bestelako gozoak apaintzeko erabiliko ditugu, ere.
• 
  Udaberria & Garia & Detoxmayo 1, 2023
  Iritsi da udaberria , gorputza ernatzeko eta desintoxikatzeko garaia. Urtaro honetan garia dugu zereal egokiena elikatzeko, freskatzeko, eta gorputza garbitzeko.